ငါ့စိတ်နှင့်ငါ့ခန္ဓာ၊ ဘယ်သူအရင်သေမလဲ အလောင်းအစားလုပ်ထားတယ်။ ဆေးလိပ်၊ အရက်၊ အအိပ်အစားက ငါ့ခန္ဓာကိုယ်ကို နှိပ်စက်တယ်။ အချစ်၊ အမုန်း၊ အတွေးတွေက ငါ့စိတ်ကို နှိပ်စက်တယ်။ ဒီနှစ်ကောင်လုံးက နှိပ်စက်ခံရလေလေ၊ ပိုရင့်မာလာလေလေ။ ပတ်ဝန်းကျင်က ခန္ဓာကိုယ်သေဆုံးခြင်းကိုသာ ဝမ်းနည်းပေးတတ်ကြပေမယ့် စိတ်ရဲ့သေဆုံးခြင်းကို ဘယ်သူမှ စောက်ဂရုစိုက်ပုံမပေါ်။ ဒါကြောင့်လည်း လူမသိသူမသိ စိတ်ကိုနှိပ်စက်ခွင့် ပိုရတယ်။ စိတ်အရင်သေရင် ခန္ဓာကိုယ်လိုက်သေအောင်လုပ်လို့ရတာ စောက်ရူးတွေကောင်းကောင်း နားမလည်ကြဘူး။ အားနွဲ့တဲ့သူလိုလို၊ ပြဿနာတွေကနေ သူရဲဘောကြောင်ထွက်ပြေးတတ်တဲ့သူလိုလို ကဲ့ရဲ့ချင်ကြတယ်။ စိတ်ကလည်း နှိပ်စက်ခံရလေလေ၊ ခန္ဓာကိုယ်မြန်မြန်သေအောင် မေတ္တာပို့လေပဲ။ ဒါမှသူနိုင်မှာကိုး။ ငါကတော့ ခန္ဓာကိုယ်ကိုပဲ ပေးနိုင်ချင်တာ။ ငါသူ့ကိုဘယ်လောက်ပဲနှိပ်စက်နေပါစေ၊ စိတ်ကအမြဲအသာစီးရနေတာကိုတော့ ဘဝင်မကျဘူး။ စိတ်ရဲ့ကင်ဆာအဆင့်ကလည်း ကုသဖို့မလွယ်လောက်တော့ဘူး။ ဒါနဲ့ငါ ကင်ဆာကို သိပ်မုန်းတယ်ကွာ။ အဆုံးသတ်ကိုသိလျက်နဲ့ အဲ့အဖြေမထွက်အောင် မျှော်လင့်ချက်ကြီးနဲ့ ကြိုးစားနေရတာ ပင်ပန်းလာပြီ။ ပြီးတော့လည်း ဒီဘူတာပဲ ဆိုက်တာပဲလေ။
လူတော်တော်များများ အနက်ရောင်ကို ကြိုက်ကြတယ်။ ဘာလို့ကြိုက်လဲဆိုပြီး အတိအကျ မရှိပေမယ့် အနက်ရောင်မို့လို့ ကြိုက်ကြတာများတယ်။ အနက်ရောင်ဟာ အရောင်တွေထဲမှာပါနေလို့သာ အရောင်လို့ပြောရတာ သူက ဘာအရောင်မှ မဟုတ်နေဘူး။ ဘာလို့ဘာအရောင်မှ မဟုတ်ရတာလည်းဆိုတာ သူက နက်နေတာကိုး။ သူက အရောင်တွေအကုန်လုံးရဲ့ စိတ်အညစ်ဆုံးအချိန် ဖြစ်လိမ့်မယ်။ RGB Color Code မှာဆိုရင် အနီရယ်၊ အစိမ်းရယ်၊ အပြာရယ် အချိုးတူအောင်ပေါင်းရင် အဖြူရောင်ရတယ်။ အဖြူရောင်ဆိုတာက ပြောစရာမလိုအောင် ဖြူစင်တယ်။ ဒါပေမယ့် အနက်ရောင်ကကျ သနားဖို့ကောင်းတယ်။ ဟိုသုံးကောင်လုံးသေသွားတဲ့အချိန်က ဒီကောင်ရဲ့ အောင်မြင်တဲ့အချိန်။ ကဲ ဘယ်လောက်ဝမ်းနည်းစရာကောင်းသလဲ။ အဲ့တာကြောင့်ပဲထင်တယ် အနက်ရောင်ကို ဝမ်းနည်းခြင်း အထိမ်းအမှတ်အနေနဲ့ သုံးကြတယ်။ ကျွန်တော်တို့ ခရီးတစ်ခုခုသွားခါနီးရင်လည်း လူကြီးတွေက အနက်ရောင်အဝတ်အစား ဝတ်မသွားဖို့ မှာကြတယ်။ ကားကို အနက်ရောင် ဝယ်မစီးတဲ့ လူတွေရှိတယ်။ ကဲကြည့် သူဟာ မကောင်းဆိုးဝါးတစ်ကောင်လို ဆက်ဆံခံရပြန်ရော။ နောက်တစ်ခုက လူဖြူလူမဲ။ ဒါလည်း ဒီကောင်နဲ့ မကင်းဘူး။ လူတွေရဲ့ အသားအရောင်က သူ့နဲ့နီးနီးစပ်စပ် တူနေလို့ ဒီလိုမျိုးခွဲခြားတာတွေ ဖြစ်လာတာနေမယ်။ ဒီဟာကို...
Comments
Post a Comment