ဒီအကြောင်းမပြောခင် စီးကရက်နဲ့ စီးကရက်ကိုစွဲလမ်းတဲ့သူတစ်ယောက်ရဲ့ Relationship ကို အရင်ပြောရမယ် ထင်တယ်။ စီးကရက်သောက်တဲ့သူအများစုက စီးကရက်က လူကိုဘယ်လောက်အန္တရာယ်ပေးကြောင်း အတိုင်းအတာတစ်ခုထိ နားလည်ကြတဲ့သူတွေချည်းပဲ။ ဒါဆို ဘာလို့သောက်ကြလဲ။ စွဲလမ်းမှုတစ်ခုပဲ ပြောရမယ်။ ဒီအရသာလေးကို နှစ်သက်သွားကြတာ။ ဘဝရဲ့ ခဏတာလေးတွေကို အကောင်းဆုံးဖြတ်သန်းချင်ကြသလိုမျိုးပေါ့။ ဒီလိုပဲ မိန်းမတစ်ယောက်ကို စွဲလမ်းတာမျိုးလည်း ဖြစ်တတ်ကြတယ်။ ကိုယ့်အတွက် ဘယ်လောက်ပဲမကောင်းတာကို သိနေပါစေ၊ ပတ်ဝန်းကျင်က တားနေပါစေ၊ မစွန့်လွှတ်ရက်နိုင်အောင် ဖြစ်နေကြတာ။ အတူနေရတဲ့အချိန်တွေဟာ စီးကရက်တစ်လိပ်သောက်နေရသလိုပဲ။ ခဏခဏသောက်ချင်နေတယ်။ အကြိမ်ရေများလေ စွဲလမ်းမှုက ပိုလာလေပဲ။ ချောင်းဆိုးမယ်၊ သလိပ်ခပ်ရင် သွေးပါမယ်၊ နှလုံးခုန်နှုန်းမြန်မယ်၊ မောဟိုက်ချင်းက နိစ္စဓူဝပဲ။ အဆိုးဆုံးကွာ သွေးအန်မယ်။ ဒီလိုတွေဖြစ်လည်း စီးကရက်ကြိုက်သူက ဆက်သောက်နေတာပဲ။ နာကျင်စရာတွေများလည်း ဆက်သောက်နေတာပဲ။ စီးကရက်စွဲလမ်းပြီးမှ လုံးဝထပ်မသောက်တော့ပဲ ဖြတ်ပြစ်နိုင်တဲ့ယောက်ျားတစ်ယောက်ဟာ ဘဝမှာ ဘယ်အရာမဆိုအောင်မြင်နိုင်ချေများတယ်။ ကဲ ဆေးလိပ်ဖြတ်ဖို့ ဘယ်လိုနားချရမလဲ။
လူတော်တော်များများ အနက်ရောင်ကို ကြိုက်ကြတယ်။ ဘာလို့ကြိုက်လဲဆိုပြီး အတိအကျ မရှိပေမယ့် အနက်ရောင်မို့လို့ ကြိုက်ကြတာများတယ်။ အနက်ရောင်ဟာ အရောင်တွေထဲမှာပါနေလို့သာ အရောင်လို့ပြောရတာ သူက ဘာအရောင်မှ မဟုတ်နေဘူး။ ဘာလို့ဘာအရောင်မှ မဟုတ်ရတာလည်းဆိုတာ သူက နက်နေတာကိုး။ သူက အရောင်တွေအကုန်လုံးရဲ့ စိတ်အညစ်ဆုံးအချိန် ဖြစ်လိမ့်မယ်။ RGB Color Code မှာဆိုရင် အနီရယ်၊ အစိမ်းရယ်၊ အပြာရယ် အချိုးတူအောင်ပေါင်းရင် အဖြူရောင်ရတယ်။ အဖြူရောင်ဆိုတာက ပြောစရာမလိုအောင် ဖြူစင်တယ်။ ဒါပေမယ့် အနက်ရောင်ကကျ သနားဖို့ကောင်းတယ်။ ဟိုသုံးကောင်လုံးသေသွားတဲ့အချိန်က ဒီကောင်ရဲ့ အောင်မြင်တဲ့အချိန်။ ကဲ ဘယ်လောက်ဝမ်းနည်းစရာကောင်းသလဲ။ အဲ့တာကြောင့်ပဲထင်တယ် အနက်ရောင်ကို ဝမ်းနည်းခြင်း အထိမ်းအမှတ်အနေနဲ့ သုံးကြတယ်။ ကျွန်တော်တို့ ခရီးတစ်ခုခုသွားခါနီးရင်လည်း လူကြီးတွေက အနက်ရောင်အဝတ်အစား ဝတ်မသွားဖို့ မှာကြတယ်။ ကားကို အနက်ရောင် ဝယ်မစီးတဲ့ လူတွေရှိတယ်။ ကဲကြည့် သူဟာ မကောင်းဆိုးဝါးတစ်ကောင်လို ဆက်ဆံခံရပြန်ရော။ နောက်တစ်ခုက လူဖြူလူမဲ။ ဒါလည်း ဒီကောင်နဲ့ မကင်းဘူး။ လူတွေရဲ့ အသားအရောင်က သူ့နဲ့နီးနီးစပ်စပ် တူနေလို့ ဒီလိုမျိုးခွဲခြားတာတွေ ဖြစ်လာတာနေမယ်။ ဒီဟာကို...
Comments
Post a Comment